जळगाव : प्रतिनिधी
तालुक्यातील वावडदा गावाजवळ दि.२६ जानेवारी रोजी विरुद्ध दिशेने आलेल्या भरधाव कारने समोरून येणाऱ्या कारला जोरदार धडक दिल्यामुळे कारमधील धनराज नारायण पाटील (६२, रा. मुक्ताईनगर) व त्यांच्या पत्नी संगीता पाटील हे दाम्पत्य जखमी झाले. याप्रकरणी धडक देणाऱ्या कारचालकाविरुद्ध एमआयडीसी पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, धनराज पाटील हे पत्नीसोबत कारने (क्र. एमएच १९, सीयू ११६७) जळगावकडून पाचोऱ्याकडे जात होते. यावेळी पाचोऱ्याकडून वावडदाकडे विरुद्ध दिशेने येणाऱ्या कारने (क्र. एमएच १४ ईयू ९४४४) जोरदार धडक दिली. यामध्ये कारमधील दाम्पत्य जखमी झाले. याप्रकरणी धनराज पाटील यांनी एमआयडीसी पोलिस ठाण्यात फिर्याद दिली. त्यावरून धडक देणाऱ्या कारचालकाविरुद्ध गुन्हा दाखल करण्यात आला आहे. पुढील तपास पोहेकों स्वप्निल पाटील करत आहेत.
